Violinista de formación clásica que amplía a súa carreira ás músicas tradicionais e modernas na E-Trad de Vigo, co mestre Alfonso Franco; tamén recibe aulas e asiste a masterclass de fiddlers de renome do panorama peninsular e internacional coma Begoña Riobó, Hanneke Cassel, Katie McNelly, Laura Cortese, Casey Driessen, Ricardo Herz, … Cofundadora do cuarteto DADGA, co que grava en 2018 o seu primeiro álbum e chega coa xira de presentación ata países coma Escocia ou México. Actualmente forma parte do trío ‘ABRIL’, do dúo folk ‘SAFA DÜO’, da ‘Orquestra Folk de Galicia SonDeSeu’, e do espectáculo multidisciplinar ‘Otra vez, otra vez’ coa artista viguesa Petra Porter.