Brinquedos
Unha aula para os máis pequenos se iniciaren no mundo da música a través da expresión corporal e mediante o achegamento a conceitos musicais básicos.
Sonsoles Martinez
Profesora de Acordeón Diatónico
Coordinadora da Escola A.C.Trépia
Dirección e condinación das aulas Brinquedos
Brinquedos I
Unha aula para os máis pequenos se iniciaren no mundo da música a través da expresión corporal e mediante o achegamento a conceitos musicais básicos (coma ton, timbre, volume e intensidade, etc…), mais tamén mediante a aprendizaxe de xogos e cancións infantis tradicionais.
Brinquedos II
Para que o alumnado de primeiro e segundo ciclo de educación primaria (6-10 anos) afonde nos conceptos fundamentais da música, perfeccione as súas destrezas interpretativas e a lectoescritura musical e coñeza en profundidade os instrumentos e especialidades que se imparten na Escola de Trépia coa fin de poder decidir por cal delas lle gustaría decantarse.
Ouvido
A través de xogos con instrumentos musicais, obxectos e ruidos que emitimos co noso corpo estimulamos e adestramos auditivamente ás crianzas para facilitar a súa aprendizaxe e expresión musical.
Ritmo
Sempre con xogos, traballamos o tempo interno e os patróns rítmicos que podemos atopar na música galega.
Canto
Mediante onomatopeias, xogos vogais e cancións tradicionais experimentamos coa nosa voz e aprendemos a sacar o máximo partido a este instrumento.
Instrumentos
Aprendemos os rudimentos de instrumentos da música tradicional galega: pandeireta, pandeiro, cunchas, culleres, tambor, bombo, gaita, acordeón diatónico.
Lectoescrita
Mediante material didáctico atractivo para as crianzas aprendemos a ler e escribir música.
Corpo
Facemos exercicios de movemento corporal natural e iniciación ao baile tradicional galego.
Performance
Preparamos intervencións musicais en público coa fin de aprender a superar medos e complexos e afianzar a autoestima e as relacións sociais das crianzas.